حسرت ..

من چَکـن دردی اگـر داغلار چکه قـان آغلیار
حسرتیم چوخدی دئسم غملی اورکلرداغلیار


باغبانم ویردی آفت سولدی بیر بیر گوللریم
بیکسم !بیکس ائولنده گوزلرین کیم باغلیار ؟


خوشدی بلبل نغمه سی سمت گلستاننان گله
قوش قفسده غم ئوخور غم ناله سینن باشلیار


سن منیم احوالیمی حال پریشاننان سوروش
چون منیـم احوالیمی مـن تـک گرفتار آننیـار


دوز دئیوپلر کی آغاجی ئوز ایچینئن قوت یییئر
بوقطار عمرومی ایستکلی دوستلار داشلیار


ایستئسه آلله اگر ،چوخ غم یئمه سنگ صبور
شیشه نی داشلار قوجاقینده بلادن ساخلیار

#جوادالماسی(سنگ صبور)
@javadalmasi59 کانال اشعار

پاسخ دهید

نشانی ایمیل شما منتشر نخواهد شد.

Time limit is exhausted. Please reload CAPTCHA.